Coran 12-21

TRADUCTIONS DU CORAN EN EUROPE, XII^e - XXI^es.

Note [édition originale] : NOTÆ. Duplex hìc est inscriptio, nempè البينة , Evidentia, seu res clara, & manifesta : & لم يكن , Non fuerunt, quæ sunt prima verba Suræ, quam nonnulli Meccanam, nonnulli verò Medinensem esse contendunt. Octo illi versus communiter tribuuntur : quidam tamen novem recensent. Qui eam legerit, كان يوم القيمة مع خير البرية erit in die Resurrectionis cum optimis creaturis. I.  Evidentia. ] Explicat Gelal : الحجّة الواضحة وهي محمد ص والقران demonstratio clara, & hæc fuit Mahumetus ipse, & Alcoranus. Nimirùm post horum adventum Christiani, & Judæi, immò, & Idololatræ Meccani discesserunt ab ea fide, in qua erant anteà : quia, ut exponit idem Gelal : من قبل مجيه ص كانوا مجتمعون على الايمان به اذ جاء فجسده من كفر به منهم Ante adventum Mahumeti erant omnes uniti in fide erga eum, cùm venisset (idest asserebant, se omnes credituros in eum.) At inviderunt ei illi, qui noluerunt ex ipsis credere in eum. Jahias : لم يكن الذين كفروا من اهل الكتاب والمشركين منفكّين منتهين عن كفرهم قال العرا لم يكونوا تاركين ما هو عندهم من ذكر النبي ع م حتى ظهر وهو قوله حتى تاتيهم البيّنة رسول من الله وهو محمد ص Non fuerunt Scripturales, & Idololatrę, qui erant increduli recedentes, idest abstinentes ab incredulitate sua. Dixit Alhorà : Non reliquerunt id, quod erat penes ipsos de memoria (idest oraculis Sacrarum Scripturarum, vel fide) Prophetæ Mahumeti, donec ipse apparuit. Et hoc significat : Donec advenit eis evidentia ; legatus Dei, nempè Mahumetus. Sed audiamus Zamchascerium. كان الكفّار من الفريقين اهل الكتاب وعبدة الاصنام فيقولون قبل مبعث النبي ص ننفكّ مما نحن عليه من ديننا ولا نتركه حتى يبعث النبي الموعود الذي هو مكتوب في التورية والانجيل وهو محمد ص فحكى الله تعالى ما يقولونه ثم قال ما تفرق الذين اوتوا الكتاب يعني انهم كانوا يعدون اجتماع الكلمة والاتفاق على الحق اذا جاهم الرسول ثم ما فرقهم عن الحق ولا اقرّهم كلى الكفر والباطل الا مجيء الرسول Erant ii, qui nolebant credere, ex duabus sectis : nempè ex Scripturalibus, & Idolorum cultoribus. Dicebant autem, antequam mitteretur Propheta Mahumetus : Non recedemus a religione, in qua sumus, neque derelinquemus eam, donec mittatur Propheta promissus, de quo scribitur in Pentateucho, & Euangelio : nimirùm Mahumetus. Refert igitur hìc Deus ea, quæ ipsi dicebant : deindè subdit : Neque diviserunt se Scripturales, &c. innuens per hoc, ipsos promisisse unionem inter se in eo, quod dicebant, & communem assensum in sequenda veritate, quandocunque venisset Legatus Mahumetus. Atqui non separavit illos à veritate, neque firmavit illos in infidelitate, & falsa religione, nisi adventus ejusdem Legati. II.  Legens Codices depuratos. ] Gelal : مطهرة من الباطل فيه كتب احكام مكتوبة قيمة اي تتلو مضمون ذلك وهو القران Depuratos ab erroribus, in quibus sunt scripturæ, idest sanctiones scriptæ, rectæ ; quarum legit (Mahumetus) contentum, idest Alcoranum. Jahias : صحفا اي القران مطهرة من الشرك والكفر فيها كتب قيمة لا عوج فيها يعني التي جات بها الانبياء Codices (nempè Alcoranum ) depuratos à polytheia, & infidelitate : in quibus sunt scripturæ rectæ, sine depravatione ; idest ea, quæ scripserunt, & tradiderunt Prophetæ. Eodem ferè modo Zamchascerius. III.  Neque diviserunt se. ] Zamchascerius : والمراد تفرقهم تفرقهم عن الحق او تفرقهم فرقًا فمنهم من امن ومنهم من انكر وقال ليس به ومنهم من عرف وعَنَدَ . فان قلت لم جمع بين اهل الكتاب والمشركين اولا ثم افرد اهل الكتاب في قوله ما تفرق الذين اوتوا الكتاب قلت لانهم كانوا على علم به لوجوده في كتبهم Intelligitur hìc divisio, seu separatio à veritate : vel divisio eorum in partes : quidam enim ex illis veritatem confessi sunt : quidam verò negaverunt, dicentes, non esse eam in illo (nempè Mahumeto, vel Alcorano, vel non esse in Sacris Scripturis, quæ ab eodem asserebantur) & quidam eorum, cùm cognovissent veritatem, resilierunt ab ea. Quòd si dicas : Quare conjunxit primò Scripturales, & Idololatras : & deinde singulariter posuit Scripturales dicens ; Neque divisi sunt ii, quibus datus fuit liber. Respondeo, quia ipsi habebant scientiam de illo, eo, quòd reperissent vaticinia de eo in libris suis. Jahias : يعني ما تفرقوا في مللهم وكفرهم النبي ع م الا من بعد ان تبيّن انه الذي وعدوا به في التوراة والانجيل Idest non diviserunt se in sectis suis, & in abnegando Prophetam Mahumetum, nisi postquam manifeste innotuit eis, ipsum esse illum, qui promittebatur eis in Pentateucho, & Euangelio. Gelal : وما تفرق في الايمان بمحمد الا بعد ما جاتهم البينة اي هو محمد او القران وقبل مجيه كانوا مجمعين على الايمان به Neque divisi sunt in fide erga Mahumetum, donec advenit eis evidentia ; idest Mahumetus ipse, vel Alcoranus, nam ante adventum ejus erant uniti in fide erga eum  : Idest asserebant omnes concorditer, se credituros in cum. IV.  Neque jussi sunt. ] Gelal : امروا بذلك في التوراة والانجيل Hęc jussio facta est illis in Pentateucho, & Euangelio. Eodem modo Zamchascerius, qui addit, ipsos delevisse, aut immutasse hujusmodi jussionem. *  Orthodoxi. ] Gelal : مستقيمين على دين ابراهيم ودين محمد اذا جاء rectè observantes religionem Abrahæ, & religionem Mahumeti, cùm venisset. Ita exponunt cæteri vocem Arabicam حنيف , quæ propriè respondet voci Græcæ ὀρϑόδοξος, Orthodoxus.

Note [édition originale] : REFUTATIONES. I. Nihil magis falsum, atque absurdum dici poterat, quàm Judęos, Christianos, & Idololatras credidisse ex eo, quòd in Sacris Scripturis Pentateuchi, & Euangelii legerant, Mahumetum esse à Deo mittendum : simulque conspirasse se, ubi venisset, illius religionem amplexuros. Ubi verò advenit, & Judæos, & Christianos, & Idololatras illius legem rejecisse ob invidiam erga illum : & testimonia, quæ de eo in Pentateucho, & Euangelio extabant, vel immutasse, vel delevisse. Jam suprà magnum hoc commentum refutavi. Quamobrem nihil hìc de illo addendum puto. II. Jactat se Mahumetus legere libros ab erroribus, & falsitatibus depuratos : nempè Alcoranum, in quo continentur purè, & fideliter scripta ea, quæ in Sacris Pentateuchi, & Euangelii Codicibus corrupta, ac depravata fuerant. Contra hoc tàm insigne mendacium vide, quæ alibi, & præsertim in prima parte Prodromi rursùm editi fusissimè disseruntur. III. Mentitur manifestè, dùm asserit, Judæos in Pentateucho, & Christianos in Euangelio jussos esse observare ritus Mahumetanicos, quos ipse vocat Religionem Abrahæ Orthodoxam. Extat Pentateuchus, extat Euangelium : nihil in illis hujusmodi continetur. IV. Nimis tenuem mercedem pollicetur asseclis suis in Paradiso Mahumetus, dùm hortos tantummodò, & flumina illis promittit, quamvis addat tanquam appendicem, & quid secundarium, quòd Deus sibi in ipsis complaciturus sit, & ipsi in Deo. Nam hoc etiam in vita mortali, quamvis non in eodem perfectionis gradu, justis, piisque hominibus conceditur. Hi enim semper sibi in Deo complacent, eidemque placere per vitæ innocentiam, ac bona opera conantur : neque hoc est pręmium, sed medium, quo pręmium consequantur.